بقلم/ حسن السحماوى .. أنا الميت ..!

أنا الميت ..!

أنا الصاحى وقدمكم ااروح وأجى

لكن جوايا أنا .. الميت ..!

حروف الصمت قتلانى ..

وروح جوايا نسيانى

مشاعر حس تتألم ..

ما تتكلم .. يا متقيد ..!

أنا الكلمة اللى مكتوبه فى ليل ضلمة ..

نجوم سهرانه تدارى ..

وتتخبى من القمرة فى سما .. ظالمة ..

ولو طل النهار يبكى

على الشمس اللى تتخبى .. من الكلمة

وطير جارح .. بينكش جو أنفاسى ..

ويسقينى مرار كاسى ..

ولو بحر الكلام خدنى ..

يتوه الشط ويباعد وموج البحر يحدفنى ..

وبيعاند حروف ااسمى ..

وأنا المقسوم ... حروف غايبة ..

ودايبة فيا تنهيدة

لاانا قادر على الضحكة ..

ولا فاكر وضوح سكه ..!

لقيت جوايا أنفاسى بتتحشرج ..

وتدحرج حروف جوايا منسية .

.بقيت صاحى وقدامكم ااروح وأجى

لكن جوايا .. أنا الميت ..!

...................

فارس الكلمة ..

 حسن السحماوى ..