نص #محمودحمزه محدّش فينا

محدّش فينا كان حاسس
بهم التاني واحمالهُ
ولا استنّى فـ يوم دمعَه
تكون مطرَه فـ تطرح ورد علشانهُ

محدّش فينا متعزبشِ
واتخربش من الاوجاع
معاشِ صراع بإسم الحبّ
زاد صوته مع البُعده
فـ بيقرب وينسالهُ
كأن الجرح كان غيّه وبحلالهُ

محدّش عاش بدون سُكنه
في سُكنه الدنيا اغلالهُ
يشوف القبر يسلالهُ
ومهما العمر كان اطوّل
ايادي الموت دي حنّالهُ
وسُكنه الٱخره لو بالخير
في أعلا سقف احلامهُ

محدّش فينا كان قابل
يكون هامش
فكان هامش
وكان الضد فـ افعالهُ
ماشفشِ الزلّ فـ التهميش
فزلّ معاه وعاش حالهُ

محدّش شاف غريب ماشي
بيتكلم كلامهُ مغطّي
عـ الوحدِه اللى فضلالهُ
فـ مدّ ايديه بدون عوزه
وضمه إليه بأفضالهُ

محدّش فينا كان حاسس
بهم التاني واحمالهُ
عيون قاسيه
تشوف الواقع البكاش
تلوم القرد على حالهُ