صوت العروبه انكسر
========== عونى هشام
صوت العروبه انكسر
ونزلنا..... فى الواطى
دمع عينى ....انحسر
والكل........ بيطاطى
القدس ......راح مننا
وارهاب يزيد.....همنا
فى ناس كتير وسطنا
سلاحها..... مطاطى
صوت العروبه ..زمان
تلاقيه... فى كل اذان
تقوله ......فى كنيسه
تلاقيه ..فى كل لسان
كان صوت ناصر للدين
واسأل ..صلاح الدين
دلوقتى ........بفتاوى
لناس ...ماتعرف مين
صوت العروبه....الان
مش لاقى له....عنوان
اسود.....على بعضنا
وفران.....مع الغربان
قطر......مع الاخوان
مع تركيا........وايران
عايزينا. من غير دين
لا سُنه.......ولا ايمان
صوت العروبه.... فين
داعش ...صناعه مين
دى ناس ماهيش مننا
ورافعه......راية الدين
القدس .........ادامهم
وحماس ماهى امامهم
لو كانوا اصحاب دين
كانوا قالوا يا فلسطين
قطر.........بالف قناع
فيه مكر.. برضه خداع
الحلو...... فى لسانهم
والسم....... ليه صُناع
ماتعرف........ لهم مله
لا دين.......... ولا زمه
بيشجب .......الارهاب
وهو ............بيعينهم
==========
إرسال تعليق