أغني...القلب اللى حب
يا حبيبي...
ده القلب اللى حب...
أهو تاب من الحب...
و من بعد سنين فراق...
شوفت فيهم أنا العذاب...
راجع أنت تقوله...
تعالى نعيد الوداد...
طب خد منى قهرتى...
اللى فى ليل دمعتى...
سالت على مخدتى...
و هاتلى بقى من تانى...
هنايا معاك اللى دام...
فى نعيم طول الايام...
و ح تقدر من بعد كده...
ترجع لشفايفى بسمتى...
من بعد الحزن...
و لا فرحت عنينا...
و هى عليك بشوقها كانت بتبص..
و تقعد بقى هنا جانبى...
و بحنيه تمسك بيها يدي...
و تملك بيها قلبى...
تذوب حزني اللي ألمني...
ده أنت اللى ح تدفى...
فيهم فى ليالي الشتا...
و أحضانى ساعتها...
ح تلفك و تحميك...
من أى لحظة فكر...
و شفايفك تبحلى...
و هى بتترعش...
من حرارة قبلات بينا...
فا نرخى منها عيونا...
و نشوف بعض بس بعيون القلب...
ده كل حاجه فيا...
أتمنت تكون أنت حواليا...
و بتشرب من نبع عنيا...
اللى خمرة الحب فيهم ما تسكرش...
و نفتكر بقى يا حبيبي...
ليالى سمر على الشبابيك سهرناها...
بشوق بنشوف قمر علينا بيطل...
و بيرسملنا عيون حبيبي هو أنت...
و عيون حبيبتك هى أنا...
على سحب أمامنا بتمر...
أهو ده يا حبيبي...
القلب اللى حب...
و نعانق بعض فى الحلم...
و لا كأننا فى بساتين ورد...
بنقطف أزهارها من على الخد...
و لما نفوء منه...
لنفسينا نقول...
لاء لاء لاء بقى...
ده ماكنش حلم...
ده أحنا كنا...
عايشينه بقى بجد...
ده حتى أحضنا لسه اهي...
حاسه فيه و بيه بالدفئ و الحب....
و لكن بقى فى ليل بعادك...
و الجفى منك و الصد...
ظهرتلى من أفعالك...
كل حاجه مرت علينا فى هوانا...
بأيادى غدر...
ماسكين سكاكين...
و بتطعنى فى صميم هذا القلب...
و كره و حب...
و حب و كره...
زادو من جويا أنين الغدر...
اللى كان بيعصر فى قلبى عصر...
و لما تمسكنى رعشة الخوف...
كل ما بحس أن خلاص...
الحب راح من العمر...
و أنى أتهجرت بجد...
بحس أنى عيشت...
بده ألألم سنين الهجر...
لحد ما أندمل منى جرح الحب...
و بداء عقلى يشيل منى...
ذكرياتى فى ضلمة الركن...
و طفى نور الحب...
اللى كان فى عينى ليك بيشع...
و أنت دلوقتى....
من تاني راجعلى...
و بتنادى على قلبى...
لاء لاء لاء...
لاء ياحبي ماتناديش على قلبى...
و تقولى تعالى نرجع تانى نحب...
ما خلاص ياحبي...
طابت كل جروحى...
و الزمن عدى عليا...
و فات و أخذ وياه...
فى خفه كل اللى بينا من ذكريات...
و راح و ما عدش...
يقدر القلب من تانى يحب...
يا حبيبي...
ده القلب اللى حب...
أهو تاب من الحب...
و من بعد سنين فراق...
شوفت فيهم أنا العذاب...
راجع أنت تقوله تعالى نعيد اللود...
طب خد منى قهرتى...
اللى فى ليل دمعتى...
سالت على مخدتى...
و هاتلى بقى من تانى...
هنايا معاك...
اللى دام وياك...
فى نعيم طول الايام...
و ح تقدر من بعد كده..
ترجع لشفايفى بسمتى...
من بعد الحزن...
و لا فرحت عنينا...
و هى عليك...
بشوقها كانت بتبص...
أهو ده يا حبيبي...
القلب اللى حب...
مع تحيات شاعر الوجدان الشاعر السكندرى / على الطاووس
إرسال تعليق