مش كل رسم بيتقرا
ولا كل خطوه نقول ورا
دا الورد مهما زاد بشوكه
تفضل روايحه معطرا
مش كل رسم يقول كلام
ولا كل اه بتزيد الاَم
اللى جوه القلب باقى
اعقلها روح وارمى السلام
مش كل رسم فيه قلوب
ولا كل حرف فيه عيوب
الدنيا فيها كل دا
والبرش عمره مايبقى توب
ارسم وحسن فى الخطوط
اغزل ورتب فى الخيوط
بلاش تلف فى الدواير
وتمشى ف طريق الاخطبوط
ارسم وحاسب فى الحروف
اكتب وخلى الناس تشوف
لو كنت تكتب بالاراده
اياك يصيبك اى خوف
----- خربشات ارتجال
إرسال تعليق