يا قدس
يا قدس سامع صوتك..
علــــــينا بينـــــــــادى
صوت فيه انيت وجراح..
ودمع مش عادى
كأم تصرخ تقول..
فين انتوا يا أولادى
صبحتوا ليه جاحدين..
انتم وأحفادى
وجوه صوت الانين..
سمعت أجدادى
وصوت صلاح الدين..
بيعلا فى الوادى
يصرخ يقول يا عرب..
ليه تنسوا أمجادى
ضيعتوا ليه الارض..
والحلم ونشبدى
دا القدس عاشت فى قلبى..
ونبضى ووريدى
ومهما جواها عدا..
ما هزوا أوتادى
ولا قدروا مرة يهينوها..
ولا مرة ف وجودى
كان وعد ليها النصر..
ووفيتها بوعودى
قوموا انصروها يا عرب..
وعيدوا لها أعيادى
ويرد صوت العرب .. بقوة متحدين
نرفض.. نشجب.. ندين
ويعلى الصوت ويبقى الأنين.
إرسال تعليق