أنتم منّا ولَّا مين ؟
شعر : وليد الوصيف
-------------------
1
قلبي الجريح
لو يفضل دابيح
لساني الصريح
ها يفضل يصيح
يا قلوب من حجاره
يا قلوب من صفيح
يا سواعد بتبني
في بيوتنا الضريح
2
طين اﻷرض طارح ورد
بألف ريحه وألف لون
قلوبكم ليه دعمه السواد
حبه الدموع تملى العيون ؟
في قلوبكم ليه مات الحنين ؟
أنتم منّا ولَّا مين ؟
ريحونا .. قولوا ليه
الفجر غايب من سنين ؟
3
إحنا فعلاً مجروحين
إحنا فعلاً مكسورين
بس بكره بينا جاي
وأنتم بكره الخسرانين
كاس مَرارنا ها تشربوه
صوت أنينكم ها نسمعوه
ويومها بس ها تعرفوا
أنتم مين .. وإحنا مين
إرسال تعليق