حاتجن ياريت اتجن و أبطل ظن في خلق الله
على فكرة الظن ده جن و بيخليك تتجن معاه
وتشوف خيالات وحاجات مش واقع قاطع يا ولداه
وتروح لبعيد وتقول وتعيد في كلام وحديت ديما تنساه
حاتجن
حاتجن ياريت اتجن و ابطل فن واعيش مرتاح
على فكرة الفن ده مٓنّ وبيخليك ديما سواح
وتعيش مواضيع فيها مرة وضيع بلسان جراح
أو حتى كيوت ولا بنت بنوت بخيال رماح
حاتجن
حاتجن ياريت اتجن وابطل فكر واعيش درويش
ولا اشوف مظلوم من بعد اليوم ديما مهموم يتمنى يعيش
ولا اشوف محتاج بلسان لجلاج بيشوفوا علاج وضعه التهميش
ونصيبه يكون ديما ممنون وكأني زبون بعطيه بقشيش
حاتجن
حاتجن ياريت اتجن عشان مكبوت والوضع مريب
حاسس انى بضيع رغم اني ربيع وسط الجرابيع شايفني غريب
بيقولوا حشوه واد ابن أبوه إزاي تجيبوا مع ناس بتسيب
وأرجع محتار بين جنه ونار وألقى الذكار والصبر طبيب
إرسال تعليق