صدقيني اللي مابينا
أقوي من كل الظروف
والدموع اللي ف عينا
يا ما زارت عين ألوف
صدقيني اللي مابينا
شيئ ما يعرف اي خوف
شيئ ندفي بيه سنينا
لما برد الخوف يطوف
د اللي بين قلبي وبينك
كلمه ...من أربع حروف
مستحيل تتقال لغيرك
مها نن العين... يشوف
امسحي.... دمعة عيونك
واحضني قلبي العطوف
حاسبي من لعبة ظنونك
اوعي تبني ...بينا طوف
خايفه ليه .... .ولا ليه ؟
راكنه نبضك ع الرفوف
سيبي قلبك واللي بيه
يكتب الأشواق حروف
اوعي مره الغيره فيكي
تعمي قلبك او عينيكي
حسي بيا.. يا اللي بيكي
قلبي ...متحدى الظروف
*******************
رضا أبو الغيط
إرسال تعليق