جيت من بطن امى عريان
واكيد هارجع زى ماجيت
هى دى حقيقت الانسان
حتى لو عنده مليون بيت
******
ياللى انت طمعان فى الدنيا
احلف بالله بتضخك عليك
لا بتملك فى عمرك ثانيه
ولا حتى والله نور عينيك
ده كل شئ ياحبيبى فانى
اسمع كلام كله معانى
راح ترجع لربك تانى
من غير والله حبة ذيت
******
جيت من بطن امى عريان
واكيد هرجع زى ماجيت
******
اوعى المال فى يوم يغريك
وتعيش حياة حرام فى حرام
فى ناس غلابه محتاجه ليك
وفكر هتعيشلك كام عام
وياخوفى من يوم الحساب
لا هينفع لوم ولا عتاب
ربك فوق عارف الكداب
هتقولو ايه عمرى ماحنيت
******
جيت من بطن امى عريان
واكيد هرجع زى ماجيت
*******
اهو ده كان فى يوم سلطان
شوفه الزمن عامل فى ايه
يعنى الدنيا مالهاش امان
يبقى احنا نبكى عليها ليه
راح اسلم قلبى لرب الكون
ويوم ماهقبله هكون ممنون
مافيش غيرو راح يبقى حنون
ياللى بعدت عنه واسيت
*******
جيت من بطن امى عريان
واكيد هرجع زى ماجيت
******
جيت من بطن امى / كلمات
عماد عطا عطية
إرسال تعليق