غنوة حب -- غنائيه
========== بقلم عونى هشام
اغنى لك
تغنى لى
بعزف ولحن
مواويلى
ويسهر نجمنا
معانا
يضوى لك
قناديلى
وتيجى القمره
بالراحه
تشعلل حبنا براحه
تلاغينى والاغيها
بلمس
ايديها وعنيها
وطول ليلى
اغنيها
واغنى غنايا
م الاول
وليل الحب
ما يطول
يفوت كالنسمه
ع العشاق
وانا مشتاق
وشوقى لشهد
م الترياق
وترياق الحياه
عندك
ومفتاحه هنا
بيدك
وقلبى ماسكه
بايديا
ونظرة عين
فى عينيا
ورمش كحيل يحرسهم
وانا ابوسهم
الاقى الصبح
هل بنور
كأنه حلم وحلمته
وحاسس
ان انا عشته
لقيت نفسى مع نفسى
بعيش احلام
واعيد الحلم م الاول
فى كل فصوله
اتا شفته
وعشت حب حنيه
ولسه حبيبى
ف عينيه
انام واصحى
اشوف صورته
انادى عليه
يرد باحلى
اغنيه
واغنى له
يغنى لى
وعمر النوم
ما زار عينى
وابات سهران
بشوق وحنان
واخاف عينى
لو ترمش
يروح من عمرنا شويه
واحلم بيه
وانا صاحى
واحضن طيفه
بعنيه
========
الملكيه محفوظه ومسجله
إرسال تعليق