كل شوية تقولى ثوانى
رايحة وجاية لقلبك تانى
هاعمل قهوة ليا وليك
علشان نسمع أحلى أغانى
قولت ومالو أجى معاكى
أساعدك وألمس حتى هواكى
يمكن تحتاج منى السكر
يبقى قريب من شفتاكى
روحنا بسرعه وجينا أووام
فى وسط البيت نور وظلام
لاكن نور القلب منور
وسط عيونها بأحلى كلام
فضلنا نبص لبعض شوية
حبة فى حبة جات فى أيديه
أيديها الحلوه وبنظرة عيــن
شبكت روحى ياعينى عليا
مع الحان الغنـــوة الحلوة
رقّصت معاها رقصة شقيه
هزت قلبى بفرحة وشوق
لآنى معــــايا أغلى هــدية
حب حقيقى جامع بينـــــــا
نادى علينـــا يملى حياتنـــا
بعــد سنين حرمان وعزاب
أصبـــح لينــا همس غرامنا
يالله يا قلبى تعالى معـــايا
أيوه هنـــــاك وسط هوايــا
نحكــى حكـايا حبى وحبك
يشهــد بيهـا الليل فى سمـايا
-----------------------------------
بقلم - محمد لبيب مصيلحى
إرسال تعليق