تخاريف صيام 5
==========
الصبح يا رمضان صبح
والصبح فيك له طعم جميل
الكل يصحي فيك فرحان
لسانه يلهج بالتهليل
وشوش بتضحك من غير ضحك
من القراءة في التنزيل
ساعتين وييجي يهل الضهر
تتبدل الأشكال تبديل
بعد البشاشه تلاقي الوش
عليه قتامه تقول مقفول
تخش في الجامع تلقي
الناس سطيحه كما المقاتيل
ولا حد بيصلى نوافل
ولا حد بيرتل ترتيل
وتلاقي كل الناس تدعي
رافعه ايديها وفيها مناديل
عماله تمسح في دموعها
من الخشوع ودا مش تمثيل
قربت منهم قلت اسمع
واتعلم الدعا والتبتيل
لقيت دعاهم طول الوقت
يارب امتي حييجي الليل
...................... شاذلي محمود خليفة
كل عام وانتم بخير
ردحذف