يافكرة معنداني ومعاك محتار
زي مايكون بيني وبينك تار
مختفية لابشوفك ليل ولا نهار
بتتكبر ي ولا بتتعالي ولا دة خصام
ياما كتبت ليها واحاول اراضيها
يافكرة مالك ماكنتي سهلة حنينة
سايقة دلالك ولا نسيتي حينا
مسيرك تيجي لوحدك عندنا
عارفة سكنا وباب دارنا دايما مفتوح
لو نمردة اشوف غيرك الوف والوف
او بغددة اشتكي لقاضي الحروف
وحشتينا بس نظرة او سلام بالكفوف
اية اللي نابك ولا اصابك نشفت دماغك
وبقيتي اجمد من الحجر ولا جنابك
شايفة دلالك... ورايحة لناس احسن مننا
كنتي صديقة وكمان رفيقة في دماغي عمرك
ماكنتي مشكلة دلوقتي قاسية وكمان عاصية
قوليلنا مالك يمكن نحل المشكلة .
#يوسف_عبداللطيف
إرسال تعليق