عايز اجابه
======== عونى هشام
سؤال وعجبنى
سألته على ابنى
مارد الجواب
وقام يلاعبنى
سألت الصديقه
ايه الحقيقه
ردت بكلمه
وجوابها تعبنى
احترت فيه
سهرت عليه
تعبت بفكرى
والنوم غلبنى
حلمت بكابوس
كان فيه فلوس
مديت له ايدى
بايده ضربنى
اخدها وسارح
راح ع المسارح
صرفهم ف ليله
ورجع يعاتبنى
كنت وحيد
وسكنى بعيد
صرخت يا ناس
محدش سمعنى
صحيت من منامى
ما شايف امامى
ندهت على ابنى
مارد ونجدنى
ولسه السؤال
فى عقلى وزهنى
لازم اجابه
الكابوس ده شغلنى
سرحت بخيالى
رجعت لزمان
طيف ابويا جانى
شعرت بامان
قالى حكايه
ومواعظ كتير
اجابة سؤالك
عند الفقير
اياك يغرك
كرسى الوزير
امشى بضميرك
واترك لغيرك
مساحه ما بينكم
واياك تغير
فى ناس غلابه
عايشه ف كأبه
وناس السرقه
فى دمه مصير
ساعتها هتعرف
احابك سؤالك
دى حكمه كبيره
لرب قدير
فقت لحالى
عرفت الاجابه
بس الوصول
طريقه عسير
فيه الديابه
وفيه الاسود
وانت بعزيمتك
عامل سدود
وسدك ف قلبك
ساكن بالايمان
عايز الامان
شوية ضمير
إرسال تعليق