من ديوان غش الزوجيه
-----------------------
شــعــــر ســــا خــــر
------------------------
بـنــــت الـجـيـران
-----------------------
للشاعر / محمد عبد الفضيل
-------------------------------
فتحت شباك الفرنده
قلت أتمدد ع الشيزلون ......
أصل فرندة بيتنا كبيره
فيها الطقس تملي جنون .....
فجاة لقيت في نقطة مايه
نازله عليا م البالكون ...
عارفين دي بالكونة مين ؟ ...
دي بالكونة ناس تانيين
ساكنيين فوق مني بدورين ....
دي بالكونة أبو نرمين
وآهي نرمين .....
واقفه بتنشر كل غسيلها
ببلوزة مبينه تفاصيلها
حاطه الأحمر وبتتغندر
ناشره الكوتشي كمان والصندل ......
لمحت عيني عينها ف ثانيه
تهت وتاهت مني الدنيا
متخيلني انا هدمة ف إيديها
تعصر فيا وتدعك فــيـــا .......
اخس عليا
أم انا شايب ..عايب .
بس . البت يا خلق حوريه ....
بصت لي بعينها العسليه
خلت روحي تطير ف العالي
وشيطاني . بوسا ويسه دعا لي
قلت ف نفسي يا حلوه تعا لي
صح الشوق الميت فـيــا
من . كوابيس الست عـلــيه ......
شد يت حيلي . وبصيت أكتر
ضحكت .. هههه هههه .. وبحنيه
غمزت لـــيـه ...
شبيت أكتر
أكتر . وأكتر
نفسي أطولها . يا ناس . وأتغندر...
أمسك إيدها . وتمسك إيدي
أتسبل . ف عينها . وأ قبل . ..
في خدودها الحلوه الورديه ...
مسكت إيدي . وحسيت بيها
وحلمت بجنة لياليها
فجأة ببص لاقيت مش هيا
طلعت زوجتي الست عليا
مسكت فيا
صرخت فيا
في إيه مالك
:- هو أ نا جنيه ..
ملعونه الأحلام الوردي
علي بنت جيراني بتودي
قلت لها :- كده نامي إتهدي
زغرت ليا .. وزامت فيا
زي حمام با يض ف الغيه
قول :- مين هيا
قول مين هيا
قولت لها . كات أحلي حوريه
قولت لها .- كات احلي حوريه ...
-----------------------------------------
إرسال تعليق