بقلم/ #عونى_هشام ابنى الوحيد

ابنى الوحيد

=========== عونى هشام 
ليه دايما
اخاصم ايامى
وبخاف لو جه 
وقت منامى

طب اعمل ايه
احترت يا بيه
كابوس مرسوم
فيه تسونامى

عايش وكأنى
فى الانعاش
كوابيس والفجر
معاده ما جاش

عايز اهرب
اشوف راجع تانى
وحروفى
بتزيد فى الامى

الناس غير ناس
ووجع ف الراس
وكلام بلا معنى
او احساس

وحكاوى
دايما فى الفاضى
وانا مش قاضى
وبحاسب على كل كلامى

بس الاحوال غير الاحوال
ساعه تضحك
باقى اليوم اهوال
وكابوس راعى دايما احلامى

غلبان ومعايا
ابنى وحيد
ربيته وكنت
بشوف فيه عيد

هيكون عكازى مع شيبتى
حلت خيبتى
وخطفه الارهاب
من غير اسباب

جانى خبره
وكنت اقراله جواب
بيسأل عنى وعن امه
حلمت بانى راح اضمه

ضميته وهو جاى
ف تابوت
انده بياجينى
صداه بسكوت

والناس حواليا تواسينى
والدمع كان سيل
من عينى
راح منى يا كفره نور عينى

مين فيكوا هيفضى يوضينى
اصل انا عاجز وراح العكاز
ومفيش اعجاز عايز حقى
يابهيه التار عايزه ياجينى

راح منى يا كفره نور عينى
================
#عونى_هشام