بشرى
========= عونى هشام
من زمان وف منامى
جاتنى بشرى فى المنام
قلت بعض من كلامى
سمعت طيف رد السلام
قمت وقعد ف مكانى
قمت ادور فى المكان
سمعت صوت رن ف ودانى
انت انس ولا جان
بس صوتها نغمه حلوه
بلحن معزوف ع الكمان
قالت كلام كانه غنوه
وحسيت بنبره فيه حنان
مره تانيه قلت انام
يمكن اشوفها فى المنام
بعد فتره شفت صوره
شكل بشرى بالتمام
شفت دمعه بين عنيها
وتمتمت بعض الكلام
قلت ليه بتخزنيها
قالت لى عايشه فى الالام
ناس بايدى اكلو عيش
وبعض منه ف بيتى نام
طلعوا قالوا كلام عليا
وابتدى بينا الخصام
قلت بس تعالى لحظه
الدنيا مدرسه للعلام
الخسيس ياكل وينكر
والاصيل لو خيش ينام
ياه يا بشرى
كنت فاكرك مزه حلوه
نقعد نساير بانسجام
اتارى حالتك صعب مره
يمكن اصلى بيك امام
عملت شاى واديتها حبه
تعالى بس نحكى حبه
زرع خير محصوله خير
ويزيد معاكى كتير احبه
اللى خد راح وخبى
طلعيه وارتاحى حبه
الطيور فى السما طالعه
والفيران تستخبى
مر من ده ناس كتير
بس عقلى كان كبير
انتى بس ادعى يارب
مستعان انت وقدير
لقيتها بصت فى عينيه
والدموع كات رايحه جيه
قلت اهدى انتى يا بشرى
والخير هايجى يا نور عينيه
اصل حالى هو حالك
عشت ليل سواده حالك
رميت حمولى عند ربى
والظالم له المهالك
ودعتها صعبت عليا
ودمعها مسحته بايديا
وقلت اشوفك مره تانيه
قالت يا ريت ولو شويه
بعدها خبطت المخده
اتارى حلم راح وعدى
قلت ياه الناس دى اسيا
فينك يابشرى العمر عدى
وبعدها اسهر ليلاتى
اروح انام اشوف حياتى
كانه فيلم وفيه جديد
اشوفه وانا لازم سكاتى
=========
إرسال تعليق