الجندي المقاتل
انا الجندي المقاتل الشهيد
اللي افدي بلدي وده بالنسبالي يوم عيد
انا الجندي المقاتل الشهيد
اللي رويت سيناء بدمي
في يوم العبور المجيد
واسيب امي وابوايا
وأختي ولا حتي اخويا
وده ليا الشرف المجيد
وعمري ما اتاخر عنك يا بلدي يا غاليه
يا ام اعظم عبور مجيد
ياللي الارض شربت من دم اولادك
وفاح منهم عطر وعنبر
يا بلد الشهيد
انا الجندي المقاتل الشهيد
واللي يزورك من الشرق والغرب
يتشرف بيكي امام كل الغرب
دا انتي يا بلدي ام الامن والامان
واللي استخبي فيكي المسيح
من الظلم والطغيان
وحتي اسمك اسمك يا مصر مذكور في الانجيل والقران
اصل انتي بلد الامن والامان
والعدوا والعدوا اللي يفكر يقرب منك
هادفنه تحت قدمك
انا الجندي المقاتل الشهيد
اللي عمره ما في يوم خاف
من عدوا ولا جبان
العالم كله يشاور عليكي والغرب
احتار في تقطيع ايديكي
اصل اولادك فيكي متربين
وشربوا من نيلك ويفدكي ليوم الدين المجيد
انا الجندي المقاتل الشهيد
اللي عمره يهزه ريح شديد
واقف مستني جبان يقرب منك
فيكون قبره في التو والحال
مايهمنيش بردان ولا حران
ولاحتي اكون في يوم جعان
كفايه اني افدي ام الجدعان
ابويا بيدعيلي
وام مرقس ومحمد وحمودي
بيصلولولي
اصل احنا شعب مايحب أيد تفرقه
ولا يقدر حد يفرقه
انا الجندي المقاتل الشهيد
اللي فيوم العبور المجيد اسد
واقف لكل عنيد وعلي الجبه صقر اكيد
انا الجندي المقاتل الشهيد
افديكي يا مصر وده با النسبالي يوم عيد
تحيا مصر
تحيا مصر
تحيا مصر
ثروت الجبالي
ثروت الجبالي
17\6 \2017
إرسال تعليق