امى
====== عونى هشام
ازاى اقول احضنينى
وانا لسه بين ايديكى
نفسى اوفيكى بحنينى
نبض قلبى حس بيكى
لما بتسيبى منامك
والنوم ساعتها بيجافيكى
تيجى فارده لى جناحك
بكل شوق حسه فيكى
انتى نور شايله معايا
بكل نظره من عنيكى
لما ابعد شوقى يعند
فى ثانيه ارجع ابوس ايديكى
لو خيرونى بمال قارون
ابيع قارون واشتريكى
عارفه وانتى بعيده يامه
دق قلبى بيناديكى
ولما اكون وسط لمه
كل فكرى يبقى فيكى
انتى رحمه من الاله
والجنه ما ادخلها الا بيكى
نفسى تبقى راضيه عنى
وعنى ما تبعد عنيكى
كل خطوه امشى معاها
اشوف دعاكى راسم طريقى
لما ارسم ضحكه عندى
الدنيا كلها ما تساعيكى
واما اقول الاه فى مره
الاقيكى سيل جاى من عنيكى
اه واه من قلبى يامه
نفسى اكون البار بيكى
دا اللى عنده ام زيك
يبيع الدنيا ويشتريكى
انتى وحدك انتى وحدك
بس يامه
-------
إرسال تعليق