😢مؤلمه😢 ...ياريت نتعظ😢"لحظة موت"
بقلمي ......احمد الخضري
وكام سكره ونتألم
وجسم ضعيف وبيسلم
ويستسلم
ورعشة برد في الرجلين
وروح تِنشّد
للحلقوم
ولو ظالم هتتعذب
ويابختك
لو مظلوم
لسان مربوط ورشح جبين
عيون تِبيّض
وشفايف
كمان تتكلبش
واوعي تقول هيبقي ب لِين
صفار لونك
تموت اعضاءك وبالتدريج
ونور عينك
هيتعتِم علي الدنيا
ومش تهريج
خلاص دي نهايتك
وبرضو بدايتك
لعالم تاني
وأَحَب الناس يقوم يجري
علي مُغسِل عشان يتاويك
وفي النعش تروح للمسجد
يصلو عليك
وعالقبر قوام يخدوك
وبسرعه كمان يسيبوك
وروحك اكيد ترجعلك
هتبقي لوحدك
وضمة قبر
تفرم لحمك
واضلاعك كمان تتكسر
وتتحسر
علي تقطيع في خلق الله
علي شيطان مشيت وياه
علي معروف.. عليك ملهوف
لكن ياخساره
ملكش نصيب تنول رُحماااه
ويااا ويحاااه
يااا ويحااااه
علي راسك تلاقي ملكين
وهتجاوب علي سؤالهم
و ب سؤالهم
يا يبقي القبر مُد العين
او يبقي حفره من سِجٍِينِ
إرسال تعليق