الهجرة من الهجرة
***
سمعت صوت قلبى الحزين
على زمان المعجزات
وقاللى بس هما فين
أهل الايمان والطيبات
يا أُمه نسيت أصلها
نبضى بيصرخ بلآآهات
نور الايمان مكتوب لها
عاشوا ف ظلام المعصيات
نسيوا بلال نسيوا الحجر
نسيوا الايمان ويّا الثبات
نسيوا العزيمة ف البشر
امام تحدّى المهلكات
نسيوا امّا هاجرالنبى
حفاظ لأمة الطاعات
ابهار ياناس قوّة علي
على فراش نبينا بات
يارب صل على النبى
بعدد صنوف الكائنات
هاجر النبى واسس لنا
دين الهدى نور الحياة
وكان معاه رجال اسود
ايمان وقوة للممات
حفظوا العهود راعوا الحدود
واحنا تبعنا السيئات
اجيال بتهدم فى القيم
ان كان رجال اوسيدات
رضيوا الضلال عشقوا الفتن
اشباه رجال بوشوش بنات
وحالنا سيء يازمن
اصطادنا كل الموبيقات
**
قلت ياقلبى الحزين
ابشر اكيد الفرح آت
لسا ف زمانا طيبين
مهما حدث من تغييرات
وكمان تلاقى المخلصين
ربك رزقهم مخلصات
نبينا قال وصدق لنا
طول الحياة فيه طيبات
والخير يدوم فى امتي
لحد يوم تفنى الحياة
اوعى يغرك طبعهم
نور الايمان عمره مامات
ربك كريم يوهب لهم
غفران ورحمه للى فات
ويعودوا للرشد القويم
ويرفعوا بايدهم رايات
**********
عبدالله ابو النجا
إرسال تعليق