بلاش عتاب
( غنائيه ) ===عونى هشام
( غنائيه ) ===عونى هشام
من غير ميعاد
جيبت المداد
وقلت اكتب لك جواب
معرفش ليه
كان البعاد
ياريت تقول لو فيه عتاب
عتابى ليك
من حبى فيك
عمرى بعدك حسيته غاب
قصة حياتنا
انا لسه فيها
كاتبها عندى ف كام كتاب
بحبك انت
ماعرفت غيرك
معقول ضميرك يرضى العذاب
تعالى عندى
لا تزيد فى عندى
خلاص ما عندى غير قلب داب
تعال طاوعنى
قلبى واجعنى
احسن اقول لك زاد الحساب
خلاص كفايه
جيبنا النهايه
وقلبى فاتح الف باب
خلاص تعالى
من غير عتاب
ننسى اللى عدى نداوى العذاب
انت منايا
سعدى وهنايا
وصلك كتابى هات الجواب
جوابى قلته
وانت عرفته
حبك فى قلبى ما عمره غاب
خلاص حبيبى
مفيش عتاب
=========
الحقوق محفوظه
إرسال تعليق