الشاعر احمد ابراهيم ( 17 سبتمبر 2017)
*****************
في قصيدة / لمّي ضفايرك وارسمي
****************************
لمّي الضفاير يا بهيه
واقلعي توب الفرح
ده الليل طرح
بستان دموع
والفجر مشنوق ع الجزوع
قلبي انجرح
من دمعتك بين الضلوع
رعشة فزع
من قسوة الليل الطويل
قلبي العليل
بتنادي جوة دمعته وبتسألوا
امتى الرجوع وتهل تاني بسمته
شاور على كل الجزوع
والفجر ميّت ضحكته
فوق الشجر مشنوق
وانا واقف وانا
عايش وانا
تاية انا
والألم اه م الألم كاسي الضلوع
لمّي الضفاير وارسمي صورة نبي
يحضر هناك فوق الجزوع
ارسمي شمس بشروق
ده الفجر فوق
جزع الشجر ميّت يا دوب
كل القلوب وبيصرخوا
واقفين صفوف فوق الدروب
وقلبي واقف نبضته
محتاج حنين محتاج لشوق
ولحضن تانى يضمني
لمّي ضفايرك وارسمي
فجرك بشوق والشمس
طله منورة بأجمل شروق
واحلمي بالنور يفوت ع الجنوب
واخلعي نعلك طوي
وابدائي اول سجود
لمّي ضفايرك وارسمي
لون الخضار لوّني مليووووووون جدار
و ارسمي بستان وروووووووووووووووود
ده انا قلبي ناذف ع الحدود
ارسميني وارسمي قلبي الشهيد
فوق الجزوع جنب القمر
اللى باكي بالدموع على دمعتك
ارسمي بس ارسمي
واحلمي بس احلمي
خلّيني احلم جوة رسمك
وبأيديه اغزل ضفايرك
و احضنك واحضنك واحضنك
*************************
بقلم الشاعر / احمد ابراهيم
إرسال تعليق