أمي الحبيبة
باحس بقلبك الدافي
بيحضني ف شتا ليلي
بتاخديني على حجرك
ومن حبك تعبّيلي
على حِجْرك لقيت شطّي
وصوتك في مواويلي
تغنيلي أغانيكي
وم الحواديت بتحكيلي
.................
زمان ياامّه
دفا ولمّه
وطبليه كتير لمّه
ف وسط الدار مفيش أسرار
لا عن خاله ولا عمه
قلوب دافيين وناس هاديين
ومش تايهين مع الزحمه
ولملمت ف جروحي وجيت
ادوّر ع الدفا والبيت
لقيت الدنيا مش دنيا
ولا لاقي حيطان البيت
ف ركن بعيد لقيتها
لسه قاعدالي
وموالي على لسانها
و بتسبح بموالي
رميت نفسي ف احضانها
وقولت انسى أسى حالي
اتاري قلبها موجوع
وتوبها كان كمان بالي
سألت فين العيال
ردت دموع عينها
رحلوا العيال والصور
هي اللي باقيالي
مستر عادل أبو زيد
إرسال تعليق