أنا وحدى
............
مادام فى الأصل والمبدأ
أنا وحدى
مايلزمنيش
مين قبلى .. ومين بعدى
ما دمت باعيش
لأن ما فيش
أتر ليّا ولا تأثير
لكنى حر
أسيب أثرى
جِوّة أغوّط بير
ولاّ أَمُر
فكرة ومرة واحدة تطير
تعدى زى ما تعدى
ولا تعديش
عشان فى الأصل والمبدأ
أنا وحدى
وأنا نفسى
وأنا الواقف كتير ضدى
وأنا إللى بعيش
فى حلم جميل
وأنا إللى بَموت فى واقع مر
دمه تقيل
وأنا المحظوظ
وحظى قليل
وأنا إللى حزين فى يوم سعدى
ولا بابكيش
وإن فكرت ...
دمع العين يعاندنى
عشان فى الأصل والمبدأ
أنا لوحدى
..
(ناجى الجندى )
إرسال تعليق