أنا مــن مجــرد ثــوانى كنـت الحبيــب المنتظـــر
كنــــت معاكى فى الليالى زى شعــاع فى القمــر
نحكى ســوى نعشق سـوى بين السحاب والنجــوم
طلعنا السلالم واحدة واحدة ونقشنا أسامينا عالحجر
عرفت أنا وأنت النجـاح وعشقنـا ضــوء الصبــاح
ما كنـا بنسيب أيدينــا الا ويا فجــر هيا على الفلاح
كام سنة ؟ قـولى يا ستى عشـر سنيـن وفى الحنيــن
أكتب أسمك فـوق ملامحـى بسمـة وخالية من الآنين
وأتوعـدنا على الصراحة فى كل كلمة وبدون خيانه
وأقسمت بدموع حنانى وكتاب الله كان عل العنيــــن
ليــه دلوقتى شيفانى خاين رغم أنى صريح وبايـــن
وبخاف عليكى وبقول ياربى أنت اللى ليها صــــاين
عملت أيه ما تفهمينـى ومن جوه قلبك ليه تكرهيــنى
وكل حبــة تقـولى أمشى ياللى معــايا عاشق وخايـن
عمرى ما قولت فى يـــوم مخـاصمك الا وسامحتـك
عمرك ما قولت مرة أسمـى الا وقولت نعم سمعتك
تقول بحبك أقول عشقتك تقولى أنــت اللى ليــــــــا
الاقــى نفســى وسط المنــام الا وحاضن بس حضنك
حتى وانا فى الرعــايــة بين الحيــاه وبين الـــوداع
كنت بعشـق تكون معــايا تــداوى فيــا حتى الصداع
دلوقتـــى تقـــول يالله السـلامة يا حلم كان غير مكتمل
تخلّينــى أكره حيــــاتى وأعيش الباقى فى الضيــــاع
******************************************
بقلم محمد لبيب مصيلحى
إرسال تعليق