مجلة رؤية قلم الأدبية: #عونى_هشام موت القصيده

موت القصيده
======== عونى هشام
القلم وقف ف ايدى
وقال خلاص مفيش كلام
روح ف حالك روح ياسيدى
دا المدارس بدون علام

الانتحار بقى ف القصيده
اهو كله دش والسلام
املاء غلط من ايد سعيده
والبعض منا يقول تمام

الان مفيش فكره جديده
كله اقتباس يا عب سلام
عايزين قصيده تكون وليده
مش حرف مسروق ف الظلام

المجامله ماعاد مفيده
وكلامى ده بشكل عام
ممكن تقولى يا تفيده
فى القصيده دفعتى كام
-----

#عونى_هشام