مش ذنبي ياولدي
عالدنيا جيت سندي
وقبل ما اشوفك
القبر كان سكني
مش ذنبي كمان خوفك
ويتمك الابدي
والحرمان يطول جوفك
مش ذنبي ياولدي
وعنيا كمان ما تشوفك
ياحته من كبدي
وهون عليك ظروفك
اعذرني ياولدي
من صغرك ومتبهدل
وعزيمتك.. بتسعدني
ومسيرها تتعدل
قول.. يارب ساعدني
وواوعي ف يوم تحزن
بحزنك يزيد حزني
هيا كده الدنيا
جبتك تشيل اسمي
ملامحك ملامحي
وشك يكون حسني
جمالك جمالي
واخد كمان جسمي
ولو عاوز تشوفني
في مرايتك تكون رسمي
واوعي يموت جودك
واخلاقك لازم تكون ادبي
او البخل يكون مودك
الزهد ياولدي
تحت التراب نايم
اوعي ان تنساني
واقرأ ليا الفاتحه
وعيدها كمان تاني
وخليك ولد صالح
وادعي لإنساني
ادعيلي بالرحمه
واوعي تكون اناني
تحت التراب نايم
يا ابني اعذرني
الدمعه علي خدك
ياولدي تعذبني
وسؤالك الجارح
وانت تعاتبني
عالدنيا سايبني وحيد
انت.... اللي جايبني
انا تحت التراب نايم
وبتقولي جاوبني
ربك بيده الكون
جابك وجايبني
ولما العمر انتهي
هوا اللي واخدني
انا تحت التراب نايم
يا ابني..... جاوبني
ز يّك كنت وحيد
جبتك تساعدني
ازاي اكون السبب
جبتك عشان تسندني
وليه اكون السبب
جبتك عشان تسعدني
ازاي اكون السبب
و ربك..... هوّا اللي واخدني
إرسال تعليق