جاري شحن العقل الباطن
--------------------------
للساخر / محمد عبد الفضيل
--------------------------------------
جاري شحن العقل الباطن
والتهمه كداب يا مواطن
بتفتح عقلك وتشاحن
وأنت ناقص لك كارت وشاحن
علشان تبقي ف وطنك ساكن
تكتب إسمك ف الجنسيه ........
أحلف بيا تعيش وتطول
وأوعي ف قبلتي تتحول
لحسن أحطك تحت مطاحن
مهروسه ف آدان جاسوسيه .....
هتلر كان حارق ف يهوده
وقالوا عليه عنده شعبيه .
لو هتمص المش ف دودوه
برضه هتهتف بالوطنيه ........
وأنا جيت لك تاني من الأول
وسقـيـتـك بـإ يـد يــا الـميـه
ولبست الـوش وبتـغـــول
ف حكاوي بلا د كــو الشعبيه ......
ما تقولش إشمعني ولا لكن
ولا تسأل عن أي قضيه
ما بنيت لك ف الأرض مساكن
بس بشرط تكون مطاطيه .......
عمال تسأل ليه ولماذا ؟؟
إدي لعقلك خمسه أجازه
وأكوع فوق الخداديه .....
عقلك ناقص شحن يا هــذ ا
كارته خلاص هنج يا عنيا
لو عاوز من عندي الباقه
راح أجيب لـك نغماتي الاجه
ردد يـا لــه معــا يا وهـيــا
قول تحيا الوحده الوطنيه
قول تحيا الوحده الوطنيه ........
--------------------------
إرسال تعليق