{ عِـيْن الشـَمْسْ }
ــــــــــــــــــــــــــــ
ــــــــــــــــــــــــــــ
أَنَا بَاسمَع شُوقِك .. لمّا حَنِيني يرُوْح ويجِيْكـِي
وبَافرحْ دَايماً ....... لمّا خَيالي يُطُل عَلِيْكـِي
ولمَّا بانـَـام .........النُوم مَا ياخُدْنِي أَبداً مِنـِّكْ
يطُلْ الفَجر.... أَلاقِي شُرُوقِك فُوقْ شَبَابيـكِي
*****
ياللِّي رَبيعِكْ ..خَبَّى نَسِيمُه جُوَّه آهــَـاتِكْ
حتّى الوَردْ .. يفَتَّح لَمَّا يشُوفْ بَسْــــمَاتِكْ
نَادِيت البُلبُل قُلت لُه:غَنِّي لِي بشُــــوقَكْ
غَنَّى وَاتَارِي….. صُوتُه بيِطْلَعْ مِنْ نَبــَرَاتِكْ
*****
رسَمتْ ف لِيلِك ... حِلْم ولُونُه ضَيّْ عُـــيُونِكْ
نَادانِي الحِلْم ورُحْتْ وتُهْتْ ف كُحْل جُفُـونِكْ
خَدتْنِي الدَمْعَه، وسَالِت ... حتَّي شَهد شَـفايفِكْ
شِربْت سكِرتْ حِلِفْت مَا شُفْت حَلاوة ف لُونِكْ
*****
حَصَدْت سَنابِل عُمرِي الطَارِح كُلّها لِيــكِيْ
وحَ اسقِي جَناين عُمرِكْ فَرحَه ، وطَرْحَه عَليكِيْ
حَ اشِيلْهَا واشِيلِكْ ...... يُوم مَا حَ اجِيـــلِكْ
واحضُنْ شُوقِك لمّا حَنِيني يدُوبْ فِ إيدِيكـِيْ
*****
حَبِيْبِةْ عُمْرِيْ نهَاية صَبري ..اليُومْ والأَمْسْ
خُدِيني ف لِيلِكْ لَحْن لكُلّ أَغَانِي الهَمْــسْ
وان يُوم جَاكِي اليَأسْ البُعْد ، ونَادُوا الفُـرْقَه
هَاتِي الذِكْرى وقُولِي لبُكرَه: الخَطْوَة الجَايّه
{ عِيــــــنْ الشَمْــــسْ }
*****
إرسال تعليق