حبيب خيالى
عشت عمرى وانا بحلم
وبرسم ليك صوره ف خيالى
انى اقابلك يوم
وعدى نهار ورا نهار
وليل ورا ليل
وقلبى بيك مشغول
سهران ماداق النوم
وان شفت الحب وفرحته
ف عيون العاشقين
ف ضحكه ع الشفايف
وضمة ايدين اتنين
يدق الشوق ف قلبى
واسمع اهاته غصب عنى
وتجرى دموع العين
وابعت ليهم سلامى
ودعوه من قلب خالى
مايشوفو اللى جرالى
ويخبيهم الزمان عن عيون الحاسدين
واطبطب على جروحى
وامنى قلبى وروحى
واتحايل ع السنين
تدينى عمر تانى
تدينى عمر تانى
واقابل حبيب خيالى
ويرجع معاه الفرح تانى
لقلب عاش الليالى
دايب م الشوق والحنين
لسه بحلم
وانا مهموم حزين
بقلمى / Emad Eldin Mahgoub عماد الدين محجوب
القاهره فى 8/3/2017
إرسال تعليق