عايز عروسه
======= عونى هشام
انا عريس
استاذ تدريس
عندى المهر
وعندى الشقه
عشت حياتى
فيها مشقه
عايز واحده
كلها رقه
تعيش ويايا
لو بالطقه
تصون العشره
دهب مش قشره
تبقى حياتى
لحد مماتى
تحب الضحك
ما احب الخنقه
بنت اصول
وانا جد القول
كلامها بصدق
ومش منقول
تبقى نشيطه
مش عايزه
الزقه
تعمل الف
حساب للزوج
تكون ف الدوغرى
مش معووج
لا بتمثيل
ولا غنى مونولوج
تعيش ويايا
كل حالاتى
لو برغيف
مع ملح بدقه
يبقى ما بينا
كل صراحه
ارجع بيتى
احس براحه
لما تنادى
يكون بالراحه
والحريه
ف بينا مساحه
مش نمسك
على بعض الواحده
هيا ف قلبى
هتكون واحده
تعرف يعنى
اصول الضيف
حتى كلامها
يبقى لطيف
تبقى دفايا
فيها منايا
وتبقى لروحى
نسمه صيف
تكون من دينى
تبقى معينى
راح اسكنها
جوه ف عينى
لازم فيها
شويه جمال
فيها الرقه
وبرضه دلال
فيها الموضه
وتلبس عفه
مش عايزها
ودان للقفه
تعرف تحكى
او تتكلم
من غير بوز
من غير ما تبلم
تبقى خيالى
من غير لزقه
اصل انا شاعر
كلى مشاعر
احب حياتى
تكون ف هدوء
اعيش ف النور
واحب الضوء
انا كبير
والقلب شباب
ليا اصحاب
وكتير احباب
دقات قلبى
تكون بحساب
عمرى ما دقيت
يوم على باب
دقات قلبى
تكون لنصيبه
يوم ماهيظهر
يبقى حبيبه
لو اوصافى
جايه عليكى
دقى الباب
على طول اناديكى
اما ان كنتى
من اياهم
يبقى ف زمتى
ليكى طلقه
اصل انا حر
ما احب الخنقه
==========
إرسال تعليق