مازالت سلسلة أحزان وأفراح ثورة ٢٥ يناير
هانكتب ايه؟
هانكتب ايه؟
بلاش خيبه
ماعدش الدم له هيبه
ولا ريحته بتزكمنا
ولا ألمه بيألمنا
وأخرنا يدوب كفين
نخبّطهم ف بعض يومين
ونبكي بحرقة المساكين
ننام ونقوم خلاص ناسيين
كلاب مسعورة نهشانا
ولسه انتي اللي حايشانا
فداكي الألف والميه
يابعد الحلم بشويه
ياست الكل يا حبيبه
هانكتب ايه ؟ بلاش خيبه
--------------------------
كلاب مسعورة مش منك
وفاردين صبرنا اكمنك
صبوره معلمانا الصبر
من الميلاد لحد القبر
تقولش بنتفطم طيبه
هانكتب ايه؟
بلاش خيبه
عادل أبو زيد
إرسال تعليق