اكتب يلا الكلمة بقلمك
اااااااااااا
اكتب يلا الكلمة بقلمك
اكتب يلا واعلى لفوق
خليها تطلع من قلبك
واكتبها بحب وشوق
اكتبها وعبر عن حالنا
خلي الكسران منا يفوق
خلي العاصي يحس بذنبه
ويشوف حبة نور وشروق
خلي اللي بيحرق ويدمر
يعرف يوم انه المحقوق
اكتب يلا بكل جوارحك
والدنيا حتحلا وحتروق
اوعى اليأس يكون ف
كلامك عبر يها بحب وزوق
ااااااااااااا
اكتب كلمة تكون ليها معنى
خليها تطلع من شاعر
كلمة تعبر عني وعنك
مليانة احساس ومشاعر
وتهون على كل الناس
وتكسر ف الصعب الواعر
اكتبها ف شارعك وف عملك
خليها تدوي ف منابر
اكتبها ع الخير والحب
خلي الشر يكون عابر
اكتب عن انسان شقيان
مستني على بلده وصابر
اااااااااااا
اكتب كلمة تفرح ناسك
تملا حياتنا عبير وزهور
تمسح ليل العتمه الباهت
تملا الدنيا بكل النور
والايام الجاية الصافية
حنعيشها ف امل وسرور
ونمد ايدينا0 لبلدنا ونعديلها
بحور وبحور
وخضار الزرع ف اراضينا
يرجع يملا الارض البور
يارب صفيلنا قلوبنا
ومتعنا ببنات الحور
واملا قلوبنا بكل الخير
ونشوف البيت المعمور
ااااااااااااا
جبريل رضوان
إرسال تعليق