النهارده عيد ميلادى
جبت تورته وجبت شمع
زى كل الناس دي عادى
قولت احفل بيه في جمع
م القرايب والصحاب
م الحبايب والجيران
واللي من زمان فاتونا
فتحاشونا من زمان
رحت بدرى اقص شعرى
وجبت ليه احلى بدله
والاغانى جاهزة شعبى
والمودرن
بالمبادله
وافتكرت جبت زينه
للسقف طبعا والحيطان
لميت كمان افكارحزينه
منتشره كانت فى المكان
ورسمت فوق الوش فرحه
ألوانها باهته من زمان
اصلها من قلب قلبى
اللى محروم م الحنان
وفضلت استنى اللى جاى
واعمل بروفه هقوله ايه
ومين هيقعد جنب مين
ومين يمين
واسند عليه
فاتت ساعات م الانتظار
ولا حد جانى ولا اعتزار
وفضلت قاعد باختصار
أواسى قلبي اللي تعصر
والشمع كان للتورته تبكى
وابكى أنا و الشمع داب
وفضلنا نبكى لحد قلبى
من بكاه م تاه وغاب
وقلت اطفى النور ونام
بس ابص الساعه كام
والساعه كانت بالنتيجه
والنتيجه
قالت حاجات
عيد ميلادى مش النهارده
عيد ميلاى
.............. من جمعه فات
..........................................
#عادل_عوف 2016_9_17
إرسال تعليق