تضــحك ليـا ليــه أتحول
لمــا تبربش مـــرة عيـــونك
أسمع صــوت الحب يهلل
فاكر يوم ما لمست أيديــا
فضلت راسمها سنين فى عنيا
أحلم بيهــــا بعطــر زهــورها
كأن الدنيا رضيت ليـــــا
ولما تخلص كل كلامك
أشد الضحكة وأنادى غرامك
علشان أسمع تانى فى صوتك
وأعيش وياك فى كل حنانك
وأه يا خواتى وقت عنادهـــا
وهى بتحلف لا يبقى بعادها
أضحك ليهــا تنسى بسرعه
أنى كنت سبب فى خصامها
أصل الحــب ده له أحوال
غنــوة فى صوتها له موال
قرب منها بين ملامحهـــا
تشوف ملامحها أحلى جمال
لمـا بشوفك بحضن قلبى
ليــه معرفشى بيزيد نبضى
يوم ماتنادى وتقول يا حبيبى
بسرعه أقولك يفديك دمى
..................................
.بقلم محمد لبيب
إرسال تعليق