كلمه فى ودنك
========= بقلم عونى هشام
تعالى و اقول لك
كلمه فى ودنك
واعمل بيها هتعلا مكانى
اوع تخلى
القهر يغمك
احلم و املا الدنيا امانى
لو يوم شفت فقير فى طريقك
طيب خاطره
و ادعى على ابن الايه الجانى
ارمى سلامك
وريه عطفك
خفف عنه لو بيعانى
شوف الدنيا
ماتبقاش دنيا
لو مفيهاش مجنى او جانى
قلت انا كلمه
ولسه نصيحه
اوع تردد يوم فى اشاعه
اصغر كلمه
هتبقى فضيحه
وانت بجهل تكون شماعه
خلى كلامك
من بين راسك
اوع تروح بفروض الطاعه
احفظ وطنك
و باحساسك
قول الحق بكل شجاعه
اسمع يابنى
وافهم قولى
خلى ودانك دوم سمعانى
سيب الكرسى
يروح لاصحابه
ابنى فى بلدك واحرس بابه
لكن راقبه
وعلى الصوت
اوع تخاف يوم من انيابه
لو يوم خالف
اوعى تسيبه
لو شال خشمه نهد اعتابه
اوع تفكر
انك وحدك
هنقلب بخته ونقرا كنابه
بوصف حالى
وبوصف حالك
اصل احوالنا كتير وجعانى
احنا عملنا
كتير ثورات
لكن لسه كتير مطلوب
نفسى نفكر
لو بسكات
ليه بنحدف بعض بطوب
ثورة يوليو
والتحصيح
الا صحيح كان ايه محسوب
جيبنا يناير
بعدها بونبو
عايزين فكر يكون مكتوب
عايزين رسم
ينور بكرا
نخلى بلدنا ف احسن توب
باقى ف نفسى
ثوره كبيره
ثورة تهد ضمير معيوب
ثورة تخلى
الشعب يناضل
من غير غالب او مغلوب
خلى الحب
يكون عنوان
نبدأ بيه اكبر مكتوب
وانا مكتوب لى
احب المصرى
ومصر قدرنا والمكتوب
============
إرسال تعليق