راحت
راحت ضحكتنا الحلوة
وبقينا بنسمعها
والله ف كذا غنوة
أصل الذكرى دي حاجة جميلة
عيشناها مع بعضينا
لكن دلوقتي بقينا
والله لوحدينا
كل ما نمشي نلاقي كتير
ناس بتيجي وبتروح
أهو ده بقى التغيير
لما تقرب أوعى تجرب
خلي مسافة مابين القلب
أحسن يجي يوم وتطب
آه ده البير كان لونه خطير
عايز تعرف شوف التعبير
ناس بتحور وناس بتحمر
زي بطاطس التقشير
نايه ومسلوقة
قوموا م الفوقة
ناس منفوخة على خلق الدوخه
أصل انا خايف م الأنبوبة
سماح النوبة والله دي توبة
ماعدت أقرب جنب الزيت
أصل خلاص أنا مليت
من عجمية فول على طعمية
مد شويه لحد البيت
أصل الغيط كان فاتح بيت
دلوقتي خلاص أنا حنيت
إيدي وشعري وراسي ورجلي
أصل انا بجري على لقمة عيش
ياالله نعيش من غير بقشيش
ألحق يا شاويش الواد عتريس
فك المحرات طب ياالله هات
غزل البنات ده التعلب فات
وانا مش هاتكلم يا خواجات
عن اللي بيحصل
منكم بالذات
أنا هافضل واقف واقف بثبات
لحد ما يأذن ربي
ويقولوا ده ماااااات
شعر/وحيدعلي محمدحسين
إرسال تعليق