لله شكوتي
ــــــــــــــــــــــــــــــ
يا مراكبى خدنا وودينا
ع الشط التاني
من كتر وقوفنا علي بر الحزن
الشوق خلاني
لحبيبي بطير في الحلم
عاوز اوصل قبل العمر
ما يخلص في ثواني
يامراكبي مركبك حلوة
حلوة وعجباني
ماشيا ع الماية بتتمخطر
بتعدي الموجة ما تتاثر
ولا ترجع تاني
يامراكبي خدني ووديني
علي أي شاطىء وارميني
يمكن يرجعلي حبيبي
في الواقع وانسي الأحلام
وأفوق وأبطل أنام
واصحي بقي من كتر الأوهام
آخ ياسلام
ما رديتش ليه يامراكبي
دانا متعلق بيك
سيتني أنادي كأني
في صحرا بناديك
لو ع المال من عنيا أديك
بس أقف واسمحلي
وعلي مركبك خدني
أمانه ماتسيبني
وحدي وتفوتني
لقسوة الأيام
وظلم الأنام
أنا فاض بي والله فاض بي
نهاري مش باينله ملامح
ليلي كابوس وطافح
يالعبة الأيام
أبطالك طيور الظلام
وكومبارسك ناس ما بتنام
غير علي دموعها والآلام
يا كفرة الظلام
يا زبانية جهنم
سيبوني أرحل
لأرض الله
سيبوني أعيش بدون الآه
علي بلوتي
لله شكوتي
لله شكوتي
ــــــــــــــــــــــــــــــــــــــــــــــــــــــــــــــــــ
بقلمي / محمود مسعود ( موال ) 14/67/2016م
إرسال تعليق