شئ من العذاب ....... عاميّه
***************
مش انا اللي بعِدت عنّك
إنتي ...
اللي اخترتي بُعدي
وده كلّه بس لأنك ...
أكيد بترتاحي ...
بَعدي
خايفه ليه ...
دايماً بقربي ؟
وبعادي بيريّحِك
وتقوليلي :
انك بتقرّبي ،
وانا ...
مش قادر المحك
ولا قادر ...
أحفظ ملامحِك ،
وانتي عنّي ...
بتُغرُبي
واشرب ف كاس ..
لانتظار
والاقيكي منّي ..
بتهربي
ونفسي ياناس ..
اشوف نهار
عايزاني اعيشك ...
في الخيال ،
وافضل بحُبّك ..
شئ محال
زي فاكهه ...
محرّمه
حرماني حتى ...
م السؤال
الحب قُرب ..
مش جفا ،
ولا كلمه حلوه ...
متغلّفه
الحب ثقه ...
وتسامح
مش شئ ..
مالوش ...
ملامح
عايزاني ..
أعشق سراب ،
وابعد عن ..
أي اقتراب
لأ ...
ده مش اسمه ( حب )
لكن اسمه ...
( شئ من العذاب )
...........................
الشاعر رفعت ابو العلا
إرسال تعليق