أنا البنت اللي أحلامها
ماتتخطاش عتب الباب
وديما تبقى أُدامها
فُرص صعب إنها تنساب
لكن بتضيع عشان خايفه
عشان حادث ثقه فردي
متشألنيش ما نيش عارفه
ولا بآخد ولا بدي
وعايشه الماضي والحاضر
وقلبي رف ثلاجه
تملي ميلان ومتستف
مشاعر ليها محتاجه
لكن بنكرها بتجاهل
وأشغل روحي بالحكايات
واعدي يومي بتفاؤل
واموت في الضحك والافشات
لكن قلبي ماهوش مبسوط
و وقت النوم يعذبنى
ليالي كتير ما بنا تفوت
يكون حالف ليهزمني
ويبدأ بنا ألف حوار
ويجري ورايا بالمشوار
ولما أبكى حنين وأنهار
براءة نومي يحرمنى
ولما دموعي تنزل تسيل
وأنام على قلبي واحتضنه
يدعي القلب بالتساهيل
على القلب اللي يوم ظلمة
إرسال تعليق