بعدت بينا المسافات
وضاع الحنين
...........والحب مات
والكلام اللي مابينا
صار أنين بين الآهات
كان زمان العشق قوتنا
والسعادة أغنيات
و حلمنا نبني بيتنا
بالحماس والأمنيات
و فيه نكمل حياتنا
بأرض ميزتها الثبات
حلمي كله صار حقيقة
بالعمل مش بالسبات
كنت أصارع كل ضيقة
لأجل تمر الأزمات
واتغربت ودقت المر
وبقينا صحبة ويا الصبر
وسنين مرت مني ومنها
حلوة ومرة دفعت تمنها
مش هحكيلك ع الحرمان
وأيام صعبة كتير عايشنها
ولا هحكيلك ع الكتمان
تصرخ صرخة تهز جبال
لما تكون في يوم تعبان
والناس جنبك مش حاسينها
قافلة ودانها مش سامعينها
ولا هحكيلك إني غريب
ويا ما تعبت من التأنيب
الكل يقولك كفاياك غربة
ولا بيساعدك حتى بكربة
ولا هحكليك إني وحيد
وبغربتنا مفيش ولا عيد
كاتم حزني. وبكظم غيظي
بقبضة إيد .
فين احساسك بيا يا حبي ؟؟
خوفي عليكي دا كان ذنبي؟؟
يمكن أكون في يوم متعصب
خليني أثور خليني أغضب
كل ما بينا كان كلمات
و نفهم بعض بالنظرات
واطلب قربك بالهمسات
ليه مش واثقة اني بحبك ؟؟
ليه تخليها قالبة سكات ؟؟
اسمعي مني وفكري تاني
عمري ما كنت بحبي أناني
غصب عني بحبك أنتي.
بطلب منك .لأني بحبك
قربي تاني المسافات
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
{{{{{{{{{{{{{{{{{{{ كلمات أبو أسماء }}}}}}}}}}}}}}}}}}}}}}
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
بقلم/ محمد عباس
إرسال تعليق