بالعاميه .......مش بالفصحي
هكتب شعر لعيدنا الٱضحي
للي اتمني...... .. يزور البيت
واللي اتمني م النوم يصحي
هكتب شعري لناس بتصلي
ماليه بيوت.... المولي تملي
للي تملي..... ...ف قلبه نبينا
واللي عليه .....دايما بيصلي
هكتب شعري ..للي يضحي
واللي بيسعد ....قلب الفقرا
للي يداوي ....همى وجرحي
واللي ما يعرف... ٱبدا يكره
هكتب شعري... لطفل بيلعب
عمر لسانه ...ما يعرف يكدب
للي بيرضى.... يعيش بقليله
واللي عشان.... الرزق بيتعب
هكتب شعري ...للى ف قلبه
ذرة حب ..............لٱم الدنيا
للي تملي..... مكانها ف قلبه
وبيتحدى........ بحبه الدنيا
بالعاميه .......مش بالفصحي
هكتب شعري .يمكن نصحي
يمكن ندعي..... لمصر بلادنا
وقت صلاتنا لعيدنا الٱضحي
**************************
رضا ٱبو الغيط
إرسال تعليق