ناس كتير ديابه بتاكل حقوق غلابه وفاكره انها حلال اكيد....... واسنانها المبارد بتمضغ اى حاجه حتى الحديد..............وزير يوزع على قرايبه من املاك الدوله العديد.....ومهندس مبانى يغش فى الاسمنت والحديد.....ومدرس يبقى شاطر فى الدروس وفى المدرسه يبقى بليد....... ودكتور يبدع فى عيادته ومريض المستشفى منه ما يستفيد.....ومحامى يلعب بالقضايا يبعد القريب ويقرب البعيد......ومخالفه المرور تتكتب لك الا اذا عرفت اللوا والعميد.......والتاجر بيغش فى البضاعه علشان مكسبه يزيد....... كل واحد حاطط ايده فى جيب غيره وجيبه فيه برضه الف ايد........ والكل فرحان بالمكسب الحرام ومبسوط وسعيد ..........وبقنع نفسه انه مش حرام مع ان الحلال بين اكيد.......ويصوم ويصلى الفروض و السنن وصلاه العيد.......لكن الايمان فى قلبه لسه بعيد.....الدنيا نست الناس ان يوم الحساب عسير وشديد..... صدقونى لو ناكل حلال ربك حيبارك ويبعت ويزيد..... طب شوف السمكه جت لصيادها من بحر بعيد ........د شبانه
إرسال تعليق