كان حلم . بقلم \ أحمد شاهين
أعذرى قلبى أعذريه
إللى خانه بِشتريه
أصله طول عمره برئ
قلبى دا المضحوك عليه
ياما دق بكل شوق
وإنتظر لحظة لقاه
وإتقابلنا وطِرنا فوق
كُنا ناسين الحياه
وإتعاهدنا ع الوفا
والتحدى للظروف
كنا حاسين بالدفا
ولا نعرف أى خوف
أيوه كان حلم وراح
وصحيت أبكى عليه
أصله طول عمره برئ
قلبى دا المضحوك عليه
أعذرى قلبى أعذريه
صعب أنساها فى يوم
مهما لاموا الناس عليا
حُبها خلانى أصوم
وأبقى زاهد فى البريه
جوا قلبى لوحدها
أصلها ملكة جماله
غاوى يعزف لحنها
مهما عادوا ولا قالوا
أيوه كان حلم وراح
وصحيت أبكى عليه
أصله طول عمره برئ
قلبى دا المضحوك عليه
أعذرى قلبى أعذريه
ياللى بتحبوا بجد
وحدكم راح تعذرونى
حبها فاق كل حد
هى قلبى ونور عيونى
عِشقها دايمآ يزيد
أصل دا حُبى الحقيقى
دم ساكن فى الوريد
وإبتدا وياه طريقى
أيوه كان حلم وراح
وصحيت أبكى عليه
أصله طول عمره برئ
قلبى دا المضحوك عليه
أعذرى
قلبى
أعذريه
كلمات \ أحمد شاهين
16 \ 8 \ 2017
إرسال تعليق